“Shqipëria po bën hapa të mëdhenj drejt BE-së”, Ursula von der Leyen publikon foton me Ramën dhe jep mesazhin: Vizioni dhe durimi po shpërblehen

Presidentja e Komisionit Europian, Ursula von der Leyen ka publikuar një foto me kryeministrin Edi Rama në rrjetin social X dhe ka përcjellë një mesazh. Ajo është shprehur e lumtur që ka nisur nga Shqipëria turneun e saj disa ditor në vendet e Ballkanit Perëndimor.

Përmes një postimi në “X”, ku ka ndarë momente nga takimi me kreun e qeverisë në kryeministri, von der Leyen shprehet se Shqipëria po bën hapa të mëdhenj drejt BE-së. “Është rezultat i një pune shumëvjeçare. I dashur Edi, ke treguar edhe vizion edhe durim, dhe po shpërblehet”, shkruan ajo më tej.

Postimi i Ursula von der Leyen

Gëzohem që nis turneun tim në Ballkanin Perëndimor në Shqipëri me mikun tim Edi Rama. Shqipëria po bën hapa të mëdhenj drejt BE-së.

Është rezultat i një pune shumëvjeçare. I dashur Edi, ke treguar edhe vizion edhe durim, dhe po shpërblehet.