Dosja “Buka”, GJKKO nis gjykimin e Arben Ahmetajt

Gjykata e Posaçme do të nisë të enjten gjykimin e ish-ministrit Arben Ahmetaj, për dyshimet se ka shpërdoruar detyrën në privatizimin e fabrikës së bukës në Tiranë.

Gjykimi i kësaj çështje u pezullua për 1 vit në Shkurt të 2024 për shkak të arratisë së ish-zyrtarit të lartë dhe do të rinis me kërkesë të tij. Gjykata e Posaçme ka caktuar shqyrtimin në seancë paraprake të kërkesë për gjykim në 17 Tetor.

SPAK thotë se Ahmetaj shpërdoroi detyrën duke firmosur privatizimin e fabrikës së bukës, edhe pse gjykatat kishin njohur pronar një familje.

Nga ana tjetër ish-zyrtari i lartë nëpërmjet një sërë postimesh në Facebook, i mohoi akuzat, duke thënë se nuk mund të akuzohet për shpërdorim detyre kur nuk i ka sjell asnjë dëm shtetit.