Zbulohet biblioteka e madhe personale e Darvinit, e disponueshme në internet falas

Biblioteka e madhe personale e natyralistit dhe biologut me ndikim Charles Darwin do të publikohet në internet e plotë për herë të parë.

Shkencëtarët thonë se koleksioni i librave, pjesa më e madhe e të cilave ishte e panjohur ose e pabotuar më parë, tregon për “sferën e jashtëzakonshme” të kërkimit të Darvinit. Katalogu prej 300 faqesh do të prezantojë në detaje koleksionin personal të librave të shkencëtarit, i cili përbëhet nga 7,400 tituj dhe 13,000 vëllime.

Regjistrimet e mëparshme përfshinin vetëm 15 për qind të bibliotekës. Këto përfshinin libra, pamflete dhe revista mbi tema të tilla si biologjia, gjeologjia, filozofia, psikologjia dhe feja, si dhe arti, historia dhe udhëtimet.

Shumica e veprave janë në anglisht, edhe pse gjysma janë botuar në gjuhë të tjera, gjermanisht, frëngjisht, italisht, spanjisht, holandisht dhe danezisht.

Projekti, i titulluar “The Complete Work of Charles Darwin Online”, u deshën 18 vjet për t’u përfunduar dhe publikimi i tij përkon me 215 vjetorin e lindjes së Darvinit. Ai u drejtua nga Dr John Van Wych nga Departamenti i Shkencave Biologjike, Universiteti Kombëtar i Singaporit (NUS).

Projekti përfshin gjithashtu një rindërtim virtual të bibliotekës me 9300 lidhje me kopjet e veprës që janë në dispozicion falas.

Darvini vdiq në 1882 dhe inventari i shtëpisë së tij regjistroi më shumë se 2000 libra të lidhur. Studiuesit përdorën një katalog 426 faqesh të shkruar me dorë nga viti 1875 dhe krahasuan shkurtesat e tij për të zbuluar 440 tituj të panjohur që ishin fillimisht në bibliotek