Diplomat e studentëve të mjekësisë/ Rrëzohet kushti i Qeverisë Shqiptare

Qeveria Shqiptare vendosi një kusht për çdo student të mjekësisë, ku pas përfundimit të studimeve të punonin për 5 vite në Shqipëri dhe të mos largoheshin për emigrim. Mirëpo Gjykata Kushtetuese ka rrëzuar ditën e sotme këtë kusht të qeverisë shqiptare duke mos lejuar mbajtjen ‘peng’ të diplomës së studentëve për 5 vite në Shqipëri.

Gjykata thekson se: “Në kuadër të testit të proporcionalitetit, Gjykata ka konstatuar, gjithashtu, se neni 6 i ligjit ka ometim ligjor. Ometimi ka të bëjë me mungesën e kritereve objektive të punësimit me prioritet, trajtimin financiar në kuadër të sigurimit të mjeteve të nevojshme të jetesës, sipas nenit 49 të Kushtetutës, si dhe përllogaritjen e periudhës në pritje në kohëzgjatjen e detyrimit për punësim. Gjykata e analizoi çështjen edhe në këndvështrimin e parimit të sigurisë juridike dhe të barazisë para ligjit”.

Më tej u ngarkua që Kuvendi i Shqipërisë brenda 3 muajve të plotësojë këtë boshllëk ligjor të krijuar.