Kushton zero dollarë, aktorja Gwyneth Paltrow ofron bujtinën e saj për qëndrime një ditore

Jeta e personazheve të famshëm na josh jo pak dhe na bën të ëndërrojmë që të përjetojmë eksperiencën e tyre qoftë edhe për një ditë. Epo tashmë, fansat e aktores Gwyneth Paltrow do ta kenë këtë mundësi.

Vetëm për një natë, aktorja fituese e çmimit Oskarit dhe themeluesja e kompanisë për shëndetin dhe stilin e jetës “Goop”, po vendos bujtinë e saj në Kaliforni në Airbnb, falas.

Airbnb është një kompani amerikane që operon në internet, ku njerëzit mund të gjejnë shtëpi për qëndrime afatshkurtra dhe afatgjata.

Bujtina e Paltrow hapet për rezervim më 15 gusht për një natë dhe më 9 shtator.

“Shtëpia ime në Montecito është streha ime për pushim dhe qartësi mendore. Shkoj atje për t’u rimbushur, për të ëndërruar për atë që po ndërtojmë në Goop dhe për t’u rilidhur me familjen dhe miqtë e mi të çmuar“, thotë aktorja.

Paltrow do të jetë aty për të përshëndetur mysafirët e saj pas mbërritjes për qëndrim./ CNN