Liberalizimi i vizave për Kosovën, Rama: Një hap i vonuar padrejtësisht me vite u hodh sot nga BE-ja

Kryeministri i vendit, Edi Rama ka reaguar pasi BE miratoi liberalizimin e vizave për Kosovën.

Në një postim në Facebook kryeministri shkruan: Një hap i vonuar padrejtësisht me vite u hodh sot nga BE-ja, e cila më në fund po e heq nga vetja njollën e turpit të trajtimit të Kosovës si të ishte një vend jashtë Europës! Urime jo vetëm Kosovës, po edhe Bashkimit Europian.

Sipas këtij vendimi, data e nisjes së liberalizimit të vizave për qytetarët e Kosovës do të jetë koha kur të jetë tërësisht funksional sistemi i autorizimit dhe verifikimit të udhëtimeve (ETIAS), apo jo më vonë se 1 janari i vitit 2024.