Miratohet në Asamblenë e Përgjithshme të OKB-së rezoluta pro paqes në Ukrainë

Asambleja e Përgjithshme e OKB-së ka miratuar me shumicë dërrmuese rezolutën që bën thirrje për paqe gjithëpërfshirëse, të drejtë dhe të qëndrueshme në Ukrainë. 141 shtete kanë votuar pro kësaj rezolute, 7 kundër dhe 32 shtete kanë abstenuar.

Shqipëria ka qenë ndër vendet që kanë votuar pro kësaj rezolute për paqe gjithpërfshirë. Këtë e bëri me dije dhe më herët, ministrja e Punëve të Jashtme Olta Xhaçka e cila në fjalën e saj në Asamblenë e Përgjithshme të OKB-së theksoi se Shqipëria do ta mbështesë këtë rezolutë.

“Në Asamblenë e Përgjithshme të OKB-së sot 141 vende votuan pro paqes në Ukrainë dhe ripohuan mbështetjen për sovranitetin dhe integritetin territorial të saj. Kjo është një dëshmi e qartë që veçon dhe dënon Rusinë. Krenarë për Shqipërinë si bashkësponsorizuese e kësaj rezolute”, shkruan Xhaçka në rrjetet sociale.

Këtë lajm e ka shpërndarë po ashtu edhe ambasadorja e SHBA në Shqipëri Yuri Kim në Twitter.