Gazetarja e BBC kërkoi ta përqafonte, reagimi i Zelenskyt bëhet viral

Presidenti i Ukrainës, Volodymyr Zelensky, bëri një vizitë historike në Mbretërinë e Bashkuar të mërkurën dhe befasoi një bashkatdhetare me një përqafim gjatë një momenti të improvizuar gjatë një konference për shtyp.

Udhëtimi i Zelenskit u njoftua vetëm të mërkurën në mëngjes, ndërsa ai kërkon mbështetje për rezistencën e Ukrainës pas pushtimit të Rusisë shkurtin e kaluar.

Gjatë një konference për shtyp në Dorset, një gazetare ukrainase e BBC-së u ngrit në këmbë dhe parapriu pyetjen e saj duke thënë se do të donte ta përqafonte Zelenskyn, por ndoshta nuk do të lejohej.

“Pse jo?” Zelensky u përgjigj, përpara se të lironte foltoren e tij dhe të ofronte një përqafim të ngrohtë. Rishi Sunak, kryeministri britanik, mund të shihej në sfond duke buzëqeshur dhe duartrokitur.

Gazetarë të tjerë e përshkruan momentin si “prekës” teksa e kapën takimin në telefonat e tyre.
Zelensky ndodhej në Mbretërinë e Bashkuar për të kërkuar që vendi të furnizojë avionë luftarakë për përpjekjet e luftës në Ukrainë, diçka që aleatët perëndimorë kanë refuzuar deri më tani. Ai mbajti një fjalim para ligjvënësve në Westminster Hall, gjatë të cilit i dhuroi Sir Lindsay Hoyle, Kryetarit të Dhomës së Komunave, një përkrenare nga një pilot luftarak ukrainas, me mesazhin: “Ne kemi lirinë. Na jep krahë për ta mbrojtur atë.”