8 shtëpitë më të bukura në botë, të ndërtuara në terrene të vështira

Arkitektura mund të flirtojë me natyrën në mënyra ekspresive, por delikate. Disa arkitektë janë kanë mundur të bëjnë realitet idetë e tyre, të cilat janë përqafuar gjithashtu edhe nga natyra. Më poshtë janë tetë shembuj të shtëpive që kapërcejnë mjedise të vështira, duke sfiduar dhe terrenet në të cilat janë ndërtuar.

1. Shtëpia e shkëmbinjve

Cliff House, në bregun e Atlantikut në Nova Scotia, është një ndërhyrje krijuese dhe lozonjare në peizazh. Nga lartësia e kodrës, shtëpia duket absolutisht normale. Por nga bregu, mund të shihni se në fakt është vendosur në një shkëmb. Superstruktura prej çeliku siguron mbështetje të fortë dhe është e fiksuar në shkëmb, ndërsa elementët prej druri sjellin qetësi brenda dhe jashtë.

Kubi nuk është i ndarë në nivele, kështu që hapësira e madhe e jetesës mbush të gjithë zonën. Vetëm një pjesë e vogël e saj është shndërruar në dhoma gjumi.

2. Hirafu Niseko, Hokkaido, Japoni

Arkitektët pas kësaj shtëpie të mrekullueshme pushimi në ishullin e dytë më të madh të Japonisë, Hokkaido, krijuan një strukturë në formë L për të lidhur shtëpinë me kodrën.

Dy kube qëndrojnë njëri mbi tjetrin, duke dhënë përshtypjen dinamike se e gjithë struktura mund të rrëshqasë poshtë shpatit. Hyrja e shtëpisë dhe hapësirat private ndodhen në kubin e poshtëm, ndërsa brenda, një shkallë të çon në ambientet e ndenjes dhe kuzhinën në katet e sipërme.

Struktura e fortë është bërë nga betoni i përforcuar, i cili lihet i papërpunuar brenda shtëpisë për të krijuar një ballafaqim vizualisht të zymtë me dritaret e mëdha dhe hapjet me xham.

3. Shtëpia në Shkëmb

Pastërtia gjeometrike, lineare është karakteristikë e këtij projekti, House on the Cliff, në rajonin Alicante të Spanjës.

Shtëpia është e ngulitur në një shpat shumë të pjerrët. Kjo parcelë toke e pazakontë dhe shumë e vështirë frymëzoi një formë imagjinative, tre-dimensionale.

E vendosur në shkëmbinj, shtëpia fjalë për fjalë është e varur mbi konturin e kodrës. E bërë prej betoni, është e izoluar nga jashtë por edhe e mbuluar me llaç gëlqereje të bardhë, e përzgjedhur nga arkitektët për fleksibilitetin dhe butësinë e saj.

Pjesa e përparme plotësisht me xham ofron një pamje fantastike të ujit, dhe pishina e pafundësisë dhe tarraca e gjerë në nivelin e tokës duket se e shtrijnë shtëpinë në det.

4. Shtëpia me pemë Qiyunshan

Shtëpia me pemë, Qiyunshan, nuk është një shtëpi e ndërtuar mbi një pemë, por një shtëpi me lartësi 11 metra në një pyll kedri të kuq në provincën lindore Anhui të Kinës.

Një sallë hyrëse e ngushtë e lakuar i bën jehonë kthesave të rrugës aty pranë. Brenda, elementët individualë të kësaj forme komplekse janë të vendosura në nivele të ndryshme dhe përballen me drejtime të ndryshme. Një shkallë qendrore spirale të çon në dhoma minimaliste me dritare mur më mur, të cilat shërbejnë si korniza për pamjet mahnitëse. Zona e ndenjes dhe dhomat e gjumit janë qëllimisht të vogla, sepse arkitektët donin të krijonin pika vëzhgimi, në vend të një shtëpie të gjerë familjare. Materialet natyrore përdoren për të përfunduar ndërtesën, duke përfshirë edhe dru kedri të kuq, për arsye estetike dhe praktike.

5. Vila Escarpa

Peizazhi ëndërrimtar i rajonit të Algarve të Portugalisë i jepet vetes arkitekturës ekscentrike.

Villa Escarpa është një gjigant i bardhë gjeometrik që balancon mbi një rrëpirë të pjerrët me pamje nga fshati Praia da Luz. Për shkak të rregullave strikte në lidhje me ndërtimin në këtë vijë bregdetare, struktura nuk mund të tejkalonte gjurmën e marrë nga shtëpia e mëparshme. Por arkitekti Mario Martins gjeti një mënyrë spektakolare për të nxjerrë më të mirën.

Ideja ishte të krijonte efektin e një shtëpie që lundronte mbi peizazh. Kjo ndihmohet me përfshirjen e një tarrace çati, e cila shton lehtësinë. Struktura nuk është vetëm tërheqëse, por e qëndrueshme, duke pasur parasysh erërat mbizotëruese në zonë.

6. Slice and Fold House

Slice and Fold House, në Los Angeles, i ngjan një copë origami të palosur me kujdes. Ndërtesa përmban një lojë mahnitëse midis vijave me kënd të mprehtë dhe hapjeve të madhësive të ndryshme, të cilat lejojnë që drita natyrale të mbushë çdo dhomë.

Fasada e shtëpisë përbëhet nga forma dhe vëllime të ndryshme, më e madhja prej të cilave, kuverta e çatisë me panoramat mahnitëse të maleve San Gabriel, u frymëzua nga vilat moderniste të Le Corbusier. Pjesë të mëdha të shtëpisë janë zhytur thellë në terren, i cili duhej të gërmohej thellë për të ngjitur strukturën kolosale në shpatin e pjerrët.

7. La Binocle

E vendosur në majë të një mali në Quebec, Kanada, dritaret gjigante të kësaj shtëpie ofrojnë pamje panoramike të zonës së pyllëzuar përreth. Më e madhja nga dy strukturat pret hapësirën e ndenjes, ndërsa më e vogla ka dy dhoma gjumi.

E vendosur në një kodër, themelet e strukturës janë të ankoruara në tokë dhe ndërtesa është e veshur me dru të djegur për t’u përzier më tej me mjedisin.

“Ndërsa përmirëson peizazhin, projekti mbi të gjitha e konsideron kabinën si një hapësirë ​​minimale dhe soditëse, duke ftuar qetësi”, shkruan Naturehumaine, firma e arkitekturës dhe dizajnit me qendër në Montreal pas shtëpisë.

8. Casa Del Acantilado

Shtëpia është ndërtuar në bregun e Granadës spanjolle. Këndi sfidues i pjerrësisë (afërsisht 42 gradë) duket se ka frymëzuar më tepër sesa ka kufizuar kreativitetin e firmës së arkitekturës që qëndron pas dizajnit, Gilbartolomé.

Shtëpia nuk është vetëm e vendosur në kodër, por edhe e fshehur nën një çati fantastike. Kur shihet nga lart, forma e saj e lakuar dhe sipërfaqja me teksturë i ngjajnë lëkurës së një dragoi ose valëve të detit.