Russell Brand shpallet fajtor për përdhunim dhe tre sulme seksuale, aktori britanik pritet të dërgohet në burg

Aktori dhe komediani britanik Russell Brand është shpallur fajtor për një akuzë përdhunimi dhe tri akuza për sulm seksual, pas përfundimit të gjyqit në Gjykatën e Southuark në Londër. Ai përballej me gjithsej shtatë akuza, tre për përdhunim, tre për sulm seksual dhe një për tentativë sulmi të pahijshëm.

Sipas vendimit, Brand u shpall i pafajshëm për përdhunimin e një gruaje në një hotel në Bournemouth në vitin 1999, ku ai ndodhej për të marrë pjesë në konferencën e Partisë Laburiste. Ai u lirua gjithashtu nga akuza për tentativë sulmi të pahijshëm ndaj një gruaje në vitin 2001, pasi dyshohej se e kishte kapur nga krahu dhe e kishte tërhequr drejt tualetit.

Pas shpalljes së vendimit, vëmendja u përqendrua jashtë Gjykatës së Southuark, ku dhjetëra fotografë dhe gazetarë prisnin largimin e Brandit me automjetin e burgut. Ndryshe nga ditët e tjera të procesit, kur ai mbërrinte në gjykatë dhe largohej në shoqërinë e njerëzve të afërt, përfshirë bashkëshorten Laura, këtë herë u largua pa ta.