Rruga më e pjerrët në botë ka një vend në Guiness!

Ffordd Pen Llech në Harlech të Uellsit është rruga që ka arritur të  rrëmbejë  titullin e librit të rekordeve Guiness, duke sfiduar  rrugën  Baldwin në Dunedin të Zelandës së Re. 

Bëhet fjalë për një rrugë në veriperëndim të Uellsit që sfidon të gjithë personat  dhe çiklistët, që besojnë se mund t’ia dalin të ngjiten në rrugën më të pjerrët në botë.

Ffordd Pen Llech gjendet në qytezën Harlech e njohur për kështjella dhe këngë. Kohë më parë si rruga më e pjerrët në botë ishte shpallur rruga Baldwin në Dunedin të Zelandës së Re.

Por, ky titull tani i takon Ffordd Pen Llech që njëherësh është konfirmuar edhe nga zyrtarët e librit të rekordeve Guiness.

Banorët e kanë festuar  titullin  nëpër rrugë, me ç’rast është verifikuar pjerrtësia e saj prej 37.5%, kurse ajo në Zelandë të Re është prej 35%.