Rregulla të rrepta për përdorimin e Instagramit nga fëmijët

Meta po prezanton  kontrollet e reja prindërore në të gjithë platformën e Instagramit në Mbretërinë e Bashkuar.

Ato përfshijnë opsionin e vendosjes së kufijve ditorë nga 15 minuta deri në 2 orë, pas së cilës një ekran i zi shfaqet në aplikacion.

Prindërit tani mund t’i ftojnë fëmijët e tyre të aktivizojnë mjetet e mbikëqyrjes – më parë këto mund të inicioheshin vetëm nga përdoruesi.

Kontrollet e reja përfshijnë miratimin e blerjeve, bllokimin e aplikacioneve dhe opsionin për të parë listat e miqve të fëmijës së tyre.

Instagrami zyrtarisht lejon llogaritë e të rinjve nga mosha 13 vjeç, edhe pse ka fëmijë më të vegjël që e përdorin.