RMV i pari shtet në Ballkan, që nis bisedimet për dialog strategjik me SHBA

Maqedonia e Veriut ditën e sotme do të fillojë bisedimet për dialogun strategjik me Shtetet e Bashkuara të Amerikës.

Sipas Departamentit amerikan të Shtetit, ky dialog do të përqendrohet në raportet dypalëshe dhe në të trajtohen, siç thuhet, çështje me interes të të dyja shteteve.

Kryediplomati maqedonas, Bujar Osmani tha se Maqedonia e Veriut është bërë shteti i parë i Ballkanit që nis një proces të tillë të rëndësishëm.

Delegacioni i Shkupit do të pritet nga ndihmëssekretarja amerikane e Shtetit, Karen Dofried.