Radha e Miley Cyrus! Këngëtarja paditet nga fotografi Robert Barbera!

Këngëtarja dhe aktorja, Miley Cyrus, po përballet me një padi për shkelje të së drejtës së autorit, për postimin e një fotoje të saj në Instagram.

Pretendohet se ajo nuk kishte të drejta për ta përdorur atë.Fotografi, Robert Barbera, i cili e ka shkrepur fotografinë në fjalë, ngriti  padi kundër Cyrus në gjykatën federale të Kalifornisë,  më 9 shtator.

Ai pretendon se imazhi i postuar në Instagramin e këngëtares në shkurt të vitit 2021, ishte bërë pa lejen e tij.

Mediat nderkombetare raportojnë se ankesa e Barberas sugjeron që Cyrus, ka përfituar financiarisht nga ky postimi i cili i rriti vizitat në llogarinë e saj.

Prandaj, fotografi po kërkon gjyq, si dhe dëmshpërblim faktik dhe ligjor.

Në fillim të vitit, Robert Barbera, po ashtu   paditi yllin  muzikës pop Dua Lipa, për shpërndarjen e një fotografie të realizuar nga ai, në llogarinë e saj në Instagram.