Protestat vijojnë për të shtatën ditë radhazi, qytetarët kërkojnë largimin e Ramës

Protestat kundër qeverisë kanë vijuar për të shtatën ditë radhazi, me qytetarë që kanë dalë në rrugët e Tiranës, por edhe në disa qytete të tjera të vendit. Kërkesa kryesore e protestuesve mbetet e njëjtë: largimi i kryeministrit Edi Rama.

Në ditën e shtatë radhazi, protestat kundër qeverisë janë zgjeruar edhe në rrethe. Në Elbasan, gjimnazistët marshuan në bulevardin kryesor, duke ftuar qytetarët t’u bashkohen protestave. Ndërsa në Mirditë, një pjesë e nxënësve bojkotuan mësimin, kurse në Rubik protestuesit bllokuan Rrugën e Kombit dhe dogjën goma, duke kërkuar dorëheqjen e kryeministrit Rama.