Protesta masive antiqeveritare në Itali

Protestat e studentëve u shtrinë këtë të premte në qytetet kryesore të Italisë.

Në Romë, protestuesit u përleshën me policinë përpara Ministrisë së Arsimit, duke hedhur parulla si “Para për shkollën, jo për luftën“ dhe “më pak armë e më shumë të drejta“.

Në tubime ra në sy edhe prania e flamujve palestinezë, ndërsa u hodhën parulla kundër Izraelit dhe Shteteve të Bashkuara.

Protestat e pagëzuara si “Dita pa Melonin” mblodhën të paktën 400 mijë njerëz në mbarë vendin.

Italia bëhet kështu vendi i radhës evropian që përfshihet nga një valë masive e protestave të nxënësve, një lëvizje e nisur javët e fundit në Francë për arsye të ngjashme.