Përfundojnë nënkalimet në rrugën Elbasan-Qafë Thanë, Rama: Realizohen 60% e veprave të artit

Puna në kantierin e aksit Elbasan-Qafë Thanë po vijon. Kryeministri Edi Rama ka shpërndarë në rrjetet sociale pamje nga punimet ku thotë se kanë përfunduar nënkalimet dhe janë realizuar 60% e veprave të artit.

“Mirëmëngjes dhe me kantierin e aksit Elbasan-Qafë Thanë, faza e parë, ku kanë përfunduar nënkalimet e janë realizuar 60% e veprave të artit”, shkruan Rama.

Kjo rrugë do të jetë me katër korsi, pjesë e korridorit të 8 dhe është përfshirë në rrjetin europian të transportit.