“Omnid Mocobots” robotët që bashkëpunojnë me njëri-tjetrin!

Një grup  robotësh të lëvizshëm mund të jetë shumë efektiv për të ndihmuar njerëzit të kryejnë detyra “të rënda”, të tilla si proceset e prodhimit ose transporti i objekteve të rënda.

Kështu, vitet e fundit, disa nga këta robotë tashmë janë testuar dhe prezantuar në mjedise të botës reale, duke arritur rezultate shumë premtuese.

Studiuesit në Qendrën e Universitetit Northwestern për Robotikën dhe Biosistemet kanë zhvilluar së fundmi robotë të rinj bashkëpunues, të quajtur “Omnid Mocobots”.

Këta robotë thuhet se janë krijuar për të bashkëpunuar me njëri-tjetrin dhe me njerëzit për të marrë, trajtuar dhe transportuar në mënyrë të sigurt ngarkesa delikate.

“Qendra për Robotikën dhe Biosistemet ka një histori të gjatë në ndërtimin e robotëve që bashkëpunojnë fizikisht me njerëzit”, ka thënë për TechXplore, Matthew Elwin, një nga studiuesit që kreu studimin.