Nisin sot aplikimet për fermerët në e-albania. Ja si të përfitoni 30 mijë lekë për çdo hektar grurë!

Nga sot nisin aplikimet për të gjithë fermerët që kultivojnë grurë në tokat e tyre me mbështetje financiare nga qeveria me 30 mijë lekë për hektarë. Lajmi është bërë me dije nga Kryeministri Edi Rama i cili tha se aplikimet do të kryhet online në E-Albania deri në datën 23 shtator.

“Nisin sot aplikimet për të gjithë fermerët shqiptarë që kultivojnë grurin në tokat e tyre, për mbështetjen financiare nga qeveria me 30.000 lekë për çdo hektarë të mbjellë

Deri më datë 23 shtator aplikimet do të kryhen online në e-Albania, dhe përfitues do të jenë si fermerët individualë, ashtu edhe Shoqata të Bashkëpunimit Bujqësor, si dhe persona fizik ose juridik

Aplikantët mund të asistohen nëpërmjet numrit jeshil 08008383, nga specialistët e Agropika-ve dhe Agjencive Rajonale të Ekstensionit Bujqësor në territor”, shkruan Rama.