Meta në gjyq në SHBA, akuzohet se fshehu dëmet e rrjeteve sociale te të rinjtë

Meta po përballet me një proces gjyqësor të rëndësishëm në Oakland, Kaliforni, ku katër shtete amerikane e akuzojnë kompaninë se ka krijuar me qëllim platforma si Facebook dhe Instagram për të krijuar varësi te përdoruesit e rinj.

Colorado, Kalifornia, New Jersey dhe Kentucky pretendojnë se Meta e dinte se platformat e saj mund të dëmtonin shëndetin mendor të fëmijëve dhe adoleshentëve, por e fshehu këtë informacion dhe vazhdoi të mblidhte të dhënat e tyre. Çështja është cilësuar nga prokurorët si një nga paditë më të mëdha për mbrojtjen e konsumatorëve në historinë e SHBA-së.

Zëvendësprokurorja e përgjithshme e Kalifornisë, Megan O’Neill, tha në nisje të gjyqit se modeli i biznesit të Meta-s mund të përmblidhet me katër hapa: të tërheqë përdoruesit, t’i mbajë sa më gjatë në platformë, të mbledhë të dhënat e tyre dhe të fshehë të vërtetën për rreziqet.

Ai theksoi gjithashtu se verifikimi i moshës përmes dokumenteve zyrtare ose kartave bankare mund të krijojë probleme, pasi jo të gjithë përdoruesit kanë akses në këto dokumente. Prokurorët pretendojnë gjithashtu se Meta ishte në dijeni se një numër i madh fëmijësh nën moshën 13 vjeç përdornin Instagramin, pavarësisht rregullave që e ndalojnë këtë.

Béjar tha se kërkimet e tij kishin identifikuar dhjetëra mijëra përdorues nën 13 vjeç, ndërsa teknologjia e vetë Meta-s mund të identifikonte potencialisht miliona të tjerë. Sipas tij, kompania nuk bëri përpjekje të mjaftueshme për t’i larguar këta përdorues.

Béjar tha gjithashtu se kishte paralajmëruar drejtuesit e kompanisë për problemet e sigurisë, por sipas tij, shqetësimet për shëndetin mendor nuk u morën mjaftueshëm në konsideratë gjatë zhvillimit të funksioneve të reja, përfshirë Reels. Ai kritikoi edhe mënyrën se si Meta mat dëmet në platformat e saj, duke thënë se kompania fokusohet kryesisht te përmbajtjet që shkelin rregullat e saj.

Rezultati i këtij gjyqi mund të ketë pasoja edhe për kompani të tjera të mëdha të teknologjisë. Një vendim kundër Meta-s mund të ndikojë mënyrën se si platforma si Snapchat, TikTok dhe YouTube hartojnë ndërfaqet dhe funksionet e tyre, veçanërisht ato që përdoren nga fëmijët dhe adoleshentët.