Manastirliu inspekton punimet te Infektivi në QSUT: Përfundojnë brenda verës, sigurojmë kujdesin maksimal ndaj qytetarëve

Ministrja e Shëndetësisë Ogerta Manastirliu ka inspektuar punimet në spitalin infektiv në QSUT. Manastirliu tha se brenda muajve të verës do përfundojë puna për rehabilitimin dhe zgjerimin e spitalit Infektiv me kushtet dhe standartet më të mira.

“Në Spitalin Infektiv në #QSUT, ku po punohet me ritëm të lartë për të përfunduar brenda verës rehabilitimin dhe zgjerimin e tij me kushtet e standardet më të mira, për t’iu përgjigjur emergjencave shëndetësore. Është një garë me kohën. Por gara e vërtetë është për shpëtimin e jetëve. Punimet në këtë spital duhet të mbyllen sa më shpejt sepse duhet të sigurojmë kujdesin maksimal për qytetarët që shtrohen në këtë spital ”, deklaron ministrja Manastirliu.