Kape radion!

Largohet Bill Clinton: Ishte e jashtëzakonshme, nuk doja të ikja sot

04/07/2023

BILL 1138x720

Ish-presidenti i Shteteve të Bashkuara të Amerikës, Bill Clinton, është larguar pas pritjes që iu bë të hënën në kryeqytet.

Kryeministri Edi Rama ka publikuar në mediat e tij sociale një foto nga përshëndetja e tyre përpara se presidenti i 42-të i SHBA-së të hipte në avion.

“Ishte e gjitha e jashtëzakonshme! Nuk do doja të ikja sot dhe po iki duke menduar se emri tjetër i Nju-Jorkut është West Albania”, citohet të jetë shprehur Clinton.

Ish-presidenti amerikan, Bill Clinton, u vlerësua nga kryeministri Rama me yllin e mirënjohjes për kontributin e dhënë për Pavarësinë e Kosovës.

Vetë Clinton i çoi mesazh Albin Kurtit nga kryeqyteti i Shqipërisë që të bëjë gjithçka që e vendos Kosovën në anën e duhur të Historisë.

Thirrje u bëri dhe serbëve që të marrin pjesë në votime. Te ftuar të posaçëm, që përforcuan rëndësinë e mesazheve në ceremoninë e djeshme ishin fëmijët e pasluftës me emrin Klinton.