Kriza e emigracionit në Ceuta / Spanja planifikon transferimin urgjent të 500 vajzave të mitura drejt territorit evropian

Sipas Ministrisë spanjolle për të Rinjtë dhe Fëmijët, po punohet për transferimin urgjent në Spanjën kontinentale të 500 vajzave emigrante që mbërritën në Ceuta gjatë fluksit masiv të emigrantëve midis 30 dhe 31 korrikut.

Ndër opsionet që po merren në konsideratë është një rrugë që do t’u lejonte organizatave të mbrojtjes së fëmijëve të menaxhonin pritjen dhe kujdesin e rasteve më vulnerabël, përfshirë vajzat, në mjedise të përshtatura në kontinent, pa pasur nevojë të transferojnë kujdestarinë te komunitetet autonome.

Elma Saiz, Ministrja për Përfshirjen, Sigurimet Shoqërore dhe Migracionin, i tha transmetuesit publik RNE se çështja po trajtohet nga Ceuta së bashku me Departamentin për Fëmijët dhe komunitetet autonome. Ajo preferoi të mos jepte detaje të mëtejshme, por këmbënguli në nevojën për të “mbrojtur interesat më të mira të fëmijës”.

Politikania socialiste theksoi se “këto janë vajza që janë vetëm”. Ajo tha se të miturat janë grupuar së bashku në hapësira të sigurta në Ceuta për të parandaluar rastet e dhunës seksuale , pas përdhunimeve të shumta të raportuara ditët e fundit të cilat tashmë janë në duart e gjykatave.

Ministri i Sigurimeve Shoqërore nënvizoi nevojën për të respektuar ligjin dhe tha se qeveria i ka dhënë Ceutës 25 milionë euro për të ndihmuar në përballimin e kësaj situate.

Policia Kombëtare kishte identifikuar dhe i kishte dorëzuar qeverisë së Ceutës 2,168 të mitur deri të martën, 18 gusht.