Italia nën temperatura shumë të larta

Spërkaten me ujë që rrjedh në krifat e errëta të kuajve ndërsa trajnerët i lajnë nën diellin përvëlues në Casa Chiaravalle, një pronë rurale në periferi të Milanos, ndërsa temperaturat e larta përfshinë gjithë Italinë.

Trajnerët me projektin “Il Branco” një program natyror për kalërimin i krehën kuajt, iu ofruan karota dhe lanë ujin të rridhte përgjatë shpinës së tyre për të duruar vapën.

Temperaturat sot pritet të arrijnë në 34 deri në 35 gradë Celsius në qytetet kryesore, veçanërisht në Toskanë dhe Umbria.

Ministria e Shëndetësisë e Italisë ka vendosur 15 qytete nën një alarm “portokalli”, duke sinjalizuar rreziqe të mundshme për njerëzit vulnerabël, përfshirë të moshuarit, fëmijët dhe pacientët me sëmundje kronike.

Shenjat e para të lehtësimit nga vapa mund të shfaqen të enjten, kur ajri më i freskët nga Evropa veriore pritet të dobësojë sistemin e presionit të lartë, duke sjellë një mundësi për stuhi.