Holanda zhvendos 86 ton ar nga Amerika e Veriut në Londër

Banka Qendrore e Holandës (DNB) ka zhvendosur 86 ton ar, me vlerë rreth 10 miliardë euro, nga rezervat e mbajtura kryesisht në Nju Jork dhe pjesërisht në Otavë drejt Londrës.

DNB e ka justifikuar vendimin me rritjen e paqëndrueshmërisë politike dhe nevojën për të qenë e përgatitur për kriza të mundshme gjeopolitike.

Në fund të vitit 2025, Holanda kishte rreth 614 ton ar në rezervë, me vlerë afërsisht 72 miliardë euro. Pas transferimit, rreth një e treta e rezervave ndodhet në Holandë, një e treta në Londër, ndërsa pjesa e mbajtur në Nju Jork ka rënë nga 31.3% në 18.5%.