play_arrow

keyboard_arrow_right

Listeners:

Top listeners:

skip_previous play_arrow skip_next
00:00 00:00
playlist_play chevron_left
volume_up
chevron_left
  • cover play_arrow

    LIVE CLUB FM SHQIPËRI

  • cover play_arrow

    LIVE CLUB FM KOSOVË KOSOVË

  • cover play_arrow

    LIVE RADIO SHQIP DËGJO SHQIP

Teknologji

Fotot nga Inteligjenca Artificiale do shfaqen ndryshe në Facebook, Instagram dhe Threads

today13/02/2024

Background
share close

Meta ka deklaruar se në muajt pasardhës, përdoruesit do shohin etiketa në përmbajtjet që mund të jenë të prodhuara nga Inteligjenca Artificiale.

Kompania njoftoi se po punon me partnerët e industrisë mbi standardet e zakonshme teknike për identifikimin e përmbajtjes nga Inteligjenca Artificiale në platformat e saj, si Facebook, Instagram dhe Threads, përfshirë video dhe audio.

“Duke qenë se diferenca mes përmbajtjes njerëzore dhe sintetike është turbulluar, njerëzit duan të dinë ku është kufiri”, tha presidenti i Marrëdhënieve Globale. “Është e rëndësishme që ne t’i ndihmojmë njerëzit kur përmbajtja që shohin është krijuar me anë të IA”.

Imazhet që do të jenë të gjeneruara në këtë formë do të kenë etiketën “Prodhuar me AI” bashkë me logo të padukshme dhe metadata të vendosura brenda tyre. Meta planifikon që të etiketojë të gjitha përmbajtjet e krijuara me Google, OpenAI, Microsoft, Adobe, Midjourney dhe Shutterstock.

Kompanitë e IA po nisin të përfshijnë metadata në gjeneruesit e imazheve të tyre, por nuk i kanë përfshirë ende në mjetet e IA që gjenerojnë audio dhe video. Për këtë arsye, Meta nuk mundet ta etiketojë automatikisht si të prodhuar nga Inteligjenca Artificiale.

Kompania po shton një opsion që njerëzit të mund të zbulojnë nëse postimi përban audio apo video të prodhuar me anë të IA derisa të gjendet një zgjidhje tjetër.

Written by: Sasha Ndreka

Rate it

Post comments (0)

Leave a reply

Your email address will not be published. Required fields are marked *