Ekspertët britanikë: El Nino, më i forti në 100 vjet

Fenomeni El Nino, që po zhvillohet në Oqeanin Paqësor, mund të jetë më i forti i regjistruar në historinë moderne, paralajmërojnë ekspertët e zyrës meteorologjike në Britani.

El Nino shfaqet çdo dy deri në shtatë vjet dhe zakonisht zgjat rreth një vit. Ai shkakton rritjen e temperaturave të sipërfaqes së oqeanit dhe çliron sasi të mëdha nxehtësie në atmosferë, duke ndikuar në motin në shumë pjesë të botës.

Nëse kjo ndodh, El Nino mund të jetë më i fuqishmi që prej shekullit të 19-të.

Ndikimet e El Nino po shfaqen tashmë në disa rajone.

Në Indi, reshjet e musonit janë nën normalen, ndërsa aktiviteti i uraganeve në Atlantik është më i dobët.

Në Australi rritet rreziku për thatësira dhe zjarre, ndërsa Peruja, Ekuadori dhe jugu i SHBA-së mund të përballen me më shumë përmbytje.

Në Britani dhe në veriperëndim të Europës, fenomeni mund të sjellë një vjeshtë më të lagësht dhe me stuhi.