Edhe pse nuk është waterproof IPhone 14 e kaloi provën e rezistencës ndaj ujit!

Një YouTuber ka publikuar një video në llogarinë e tij, “HaerteTest”, duke testuar në ujë telefonin iPhone 14 Pro Max.

Ai e fut disa herë telefonin në ujë, por nuk e mban në periudha të gjata kohore.

Telefoni duket se punon mjaft mirë dhe nuk pëson ndonjë defekt.

iPhone 14 nuk është rezistent ndaj ujit (waterproof), por krenohet me një vlerësim IP68 që nënkupton rezistencën më të lartë ndaj ujit dhe pluhurit, por jo edhe i papërshkueshëm nga uji (waterproof).

Të gjitha modelet e reja në gamë kanë këtë vlerësim IP68,që domethënë “Mbrojtja e Depërtimit” është e rregulluar dhe standardizuar ndërkombëtarisht.

Shifra e parë tregon mbrojtjen kundër lëndëve të ngurta – pluhuri, yndyra, rëra, etj. Numri 6 është vlerësimi më i lartë i mundshëm.

Numri 8 këtu do të thotë se pajisja është në gjendje t’i mbijetojë zhytjes deri në 6 metra uji të ëmbël për deri në 30 minuta.