Dita Ndërkombëtare pa qese plastike, Rama: Na gjen me një ndryshim rrënjësor

3 Korriku është Dita Ndërkombëtare pa qese plastike. Kryeministri Edi Rama shkruan përmes një postimi në Facebook se kjo ditë na gjen me një iniciativë të qartë si ndalimi i qeseve plastike edhe me një ndryshim rrënjësor të mentalitetit të përgjegjshmërisë së qytetarëve ndaj mjedisit.

“3 Korriku është Dita Ndërkombëtare pa Qese Plastike, që na gjen me një iniciativë të qartë e të guximshme siç është ndalimi i qeseve plastike njëpërdorimshe, jo vetëm si ligj, po mbi të gjitha si ndryshim rrënjësor i mentalitetit të përgjegjshmërisë sonë ndaj mjedisit.

Task Forca është çdo ditë në terren për të kontrolluar zbatimin e ligjit dhe ndëshkimin e kujtdo që vazhdon me avazin e vjetër të prodhimit a tregtimit të qeseve të ndaluara”, shkruan kryeministri.