Bradley Cooper rrëfen luftën me varësitë para famës

15/06/2022

Bradley Cooper, ka treguar se para famës që erdhi me filmat “Hangover”, ai kishte luftuar me varësinë nga kokaina dhe alkooli.

Shërimi nga kjo varësi i ka ndryshuar jetën aktorit dhe e gjithë kjo është bërë e mundur falë kolegut dhe mikut të tij, Will Arnett.

Këtë rrëfim personal, Cooper e bëri gjatë një interviste për podcastin “Smartless”, të prezantuar nga tre aktorë, Jason Bateman, Sean Hayes dhe Will Arnett.

Aty, Bradley foli hapur për sfidat që ka përjetuar si pasojë e varësisë, mungesës së vetëbesimit dhe gjetjes së vetes në botën e Hollywoodit.

Bradley Cooper opens up about his past struggles with cocaine addiction: I was so lost | PINKVILLA

Aktori thotë se në atë kohë gjendej në një vend të errët në jetën e tij kur kishte shumë problem me vetëbesimin.

“Isha i përhumbur. Po ashtu isha i varur nga kokaina”.

Nga atëherë, Bradley Cooper ka arritur të shndërrohet në një prej aktorëve më të kërkuar në Hollywood, i ka marrë disa nominime për çmim “Oscar” si aktor, dhe ka krijuar reputacion si regjisor i zoti me filmin e tij debutues, “A Star Is Born”.

Written by: Sasha Ndreka