Besimtarët myslimanë kremtojnë festën e Fiter Bajramit pas 30 ditëve të agjërimit!

Të gjithë besimtarët myslimanë, në mbarë botën, festojnë sot Fitër Bajramin.

Edhe në vendin tonë mijëra besimtarë, kryen faljen e namazit në orën 06:40 në “Sheshin Skënderbej”, në Kryeqytet nën drejtimin e Kryetarit të KMSH, Bujar Spahiu.

Kreu i KMSH-së Bujar Spahiu në fjalën e tij përshëndetëse rikujtoi edhe shënjimin e 100-vjetorit të themelimit të Komunitetit Mysliman të Shqipërisë.

Ka qenë një rrugëtim i mundimshëm, por i bukur. Unë personalisht dhe institucioni që drejtoj, jemi krenarë për historinë tonë. Jemi krenarë për paraardhësit tanë në këtë shekull. Ne i kemi dhënë dhe vazhdojmë t’i japim kësaj shoqërie, këtij kombi vlerat më të larta e më të sinqerta. Falë besimtarëve dhe drejtuesve të besimeve në Shqipëri ne i kemi kontribuar këtij kombi një nga vlerat me të cilat krenohemi të gjithë, kudo, harmoninë dhe dialogun ndër fetar. I tillë do të vazhdojë ky kontribut edhe në të ardhmen me lejen e Zotit. Për të patur vazhdimësi kjo vlerë e komuniteteve fetare, duhet që çdo komponent i shoqërisë tonë të kujdeset për të mbrojtur meritën dhe ta shpërblejë atë kudo që ajo ndodhet.’- tha Spahiu.

Bashkia e Tiranë mundësoi gjatë orëve të mëngjesit parkimin falas për të gjithë besimtarët myslimanë.

Besimtarët myslimanë kremtojnë festën e Fiter Bajramit pas 30 ditëve të agjërimit në muajin e shenjtë të Ramazanit.