Avokati i Popullit nis konsultimin publik për respektimin e Drejtave Kushtetuese gjatë proceseve penale

Avokati i Popullit njofton se “Raporti mbi Respektimin e të Drejtave Kushtetuese dhe Ligjore në Procesin Penal” është publikuar për diskutim publik. Ky raport paraqet një analizë të hollësishme të një sërë çështjeve që lidhen me garancitë proceduriale në një proces penal dhe është bazuar në hulumtimin e ankesës së gazetarit Elton Qyno.

Institucioni i Avokatit të Popullit thekson se gjatë fazës së diskutimit publik është e rëndësishme të evidentohet një angazhim i të gjithë aktorëve, për t’i trajtuar me seriozitet gjetjet dhe rekomandimet e raportit.