Aksionet e Twitter bien pasi Elon Musk vendos të mos i bashkohet bordit të kompanisë

Aksionet e Twitter ranë të hënën me 8% pasi CEO Parag Agrawal zbuloi se Elon Musk ka braktisur planin e tij për t’u bashkuar me bordin e kompanisë.

Një ditë më parë, CEO i Tesla dhe SpaceX zbuloi përmes dosjeve financiare se ai është aksioneri më i madh i Twitter, duke mbajtur 9.2% të aksioneve në firmë.

Musk do të ishte emëruar në bordin e Twitter të shtunën, por njeriu më i pasur në botë e informoi kompaninë atë ditë se ai në fakt nuk do të merrte vendin e bordit.

“Elon ka vendosur të mos bashkohet me bordin tonë”, shkroi Agrawal në Twitter të dielën. “I dërgova një shënim të shkurtër kompanisë, duke e ndarë me ju të gjithë këtu.”

Në shënim, Agrawal tha se Musk mbetet aksionari më i madh i Twitter dhe kompania do të mbetet e hapur për kontributin e tij.