“Adidas” prezanton kufjet që rimbushen me energji diellore!

“Adidas”  ka prezantuar kufjet “RPT-02 SOL”  me bluetooth, që përdorin energjinë diellore  për mbushjen e baterive.

Pajisjet solare nuk janë risi, prodhohen nga shumë kompani, por kufjet solare janë diçka e rrallë.

“Adidas”  prezantoi “RPT-02 SOL”  që lidhen me pajisjen përmes bluetooth, dhe që kanë të integruar qelizat solare të “Exegerov Powerfoyl”.

Vetë kufjet  janë të prodhuara nga plastika e ricikluar, dhe  ofrojnë 80 orë “rezervë” të baterisë edhe kur ndodheni  në ambient të errët dhe nuk janë të ekspozuara në rrezet e diellit.

Kufjet janë rezistente ndaj ujit me standardin IPX4, kanë mikrofon si dhe portën C për mbushje. Çmimi i tyre është 230 $.