Abonentët e “Netflix” shtohen ndjeshëm pavarësisht kufizimit të fjalëkalimeve!

Ndërsa kishte prej përdoruesve të cilët mbyllën llogaritë e tyre “Netflix” pasi kompania vendosi të ndalonte praktikën e shkëmbimit të fjalëkalimeve, sistemi i ri i platformës po nis  të japë frytet e saj.

Sipas të dhënave të firmës analitike “Antenna”, Netflix vërejti një rritje të ndjeshme të regjistrimeve të llogarive të reja pasi sistemi i ri hyri në fuqi në SHBA dhe disa vende të botës në fund të muajit maj.

“Netflix”  pati regjistrimet më të larta në 4 vite e gjysmë.

Më 26 dhe 27 maj kishte afro 100 mijë regjistrime çdo ditë.

Përgjatë katër ditëve, kompania kishte mesatarisht 73 mijë regjistrime të reja, një statistikë 102 % më e lartë nëse krahasohet me mesataren e 60 ditëve të shkuara.

Edhe pse mbyllja e llogarive shënoi rritje gjithashtu, regjistrimet i tejkaluan ato.