Ambasadori i SHBA nis mandatin në Tiranë, zbulon planin amerikan për Shqipërinë

Gjatë mesazhit të tij, ambasadori shprehu mirënjohjen për Presidentin Donald Trump dhe Sekretarin e Shtetit Marco Rubio për besimin e dhënë, si dhe falënderoi popullin shqiptar për mikpritjen.

Wendt kujtoi gjithashtu përvojat e tij të mëparshme në Shqipëri gjatë shërbimit ushtarak, ku ka bashkëpunuar edhe me Forcat Speciale shqiptare.

Ai u shpreh se pret të vizitojë zona të ndryshme të vendit dhe të takohet me përfaqësues politikë, zyrtarë shtetërorë, drejtues të institucioneve, përfaqësues të biznesit dhe qytetarë.

Në përfundim, ambasadori theksoi se Shqipëria dhe Shtetet e Bashkuara kanë një histori të fortë miqësie dhe respekti të ndërsjellë, duke shprehur bindjen se bashkëpunimi do të sjellë rezultate konkrete dhe një të ardhme më të sigurt e më të begatë për të dy vendet.

Njihuni me Eric Wendt, Ambasadorin e Shteteve të Bashkuara në Shqipëri! Ndiqni mesazhin e tij, teksa ndan prioritetet për t’i bërë të dyja vendet tona më të forta, më të begata dhe më të sigurta.

Meet Eric Wendt, the U.S. Ambassador to Albania! Watch as he shares his priorities for making both our nations stronger, more prosperous, and safer.

— U.S. Embassy Tirana (@USEmbassyTirana) November 6, 2026