Arrestohen grabitësit e futbollistëve

Policia katalanase ka shkatërruar një grup kriminal të dyshuar për grabitje me dhunë të banesave të personave të njohur, mes tyre edhe futbollistë të Barcelonës.

Operacioni u zhvillua më 1 tetor në Gavà, pranë Barcelonës, ku u arrestuan tre persona, dy burra, 58 dhe 42 vjeç, si dhe një grua 46-vjeçare.

Sipas hetuesve, grupi kishte vëzhguar gjithashtu banesën e futbollistit Jules Koundé, me qëllim grabitjen e saj, por plani nuk u realizua.

Policia nuk përjashton që grupi të jetë i përfshirë edhe në grabitje të tjera në pjesë të ndryshme të Spanjës, ndërsa hetimet vijojnë.