Argjentinë-Kepi i Gjelbër, sfida e ekstremeve

Në Florida do të përballen dy skuadra që e mbyllën pa humbje fazën e grupeve: Argjentina, kampione në fuqi me pikë të plota, dhe Kepi i Gjelbër, debutues në Botëror vetëm me barazime. Vendi i dytë në klasifikimin e FIFA-s do të sfidohet nga skuadra e renditur në vendin e 67-të dhe konsiderohet si “hirushja” e këtij aktiviteti.

Kjo është përballja e parë mes tyre, ndërsa Argjentina ka fituar 7 ndeshjet e fundit të Botërorit ndaj skuadrave afrikane.

Australia do të luajë me Egjiptin. Përfaqësuesja australiane u kualifikua si e dyta në grup falë një mbrojtjeje solide, por ka shënuar vetëm 2 gola. Egjipti arriti për herë të parë në fazën me eliminim direkt të Botërorit dhe tregoi përmirësim në sulm, megjithëse rezultatet e fundit kanë qenë të paqëndrueshme. Në përballjet direkte, secila skuadër ka nga një fitore.