Rekord historik për Ronaldon

Në javën e fundit të kampionatit saudit, Cristiano Ronaldo ishte edhe një herë protagonisti absolut në fitoren e Al Nassr ndaj Al Shabab me rezultatin 4 me 2 në transfertë.

Sulmuesi portugez jo vetëm kontribuoi në suksesin e skuadrës së tij, por hyri edhe në historinë e kampionatit saudit duke realizuar golin e 100-të në këtë kompeticion.

Vendasit reaguan në minutën e 30-të me golin e Yannick Carrasco, që rihapi përkohësisht sfidën.

Momenti vendimtar erdhi në minutën e 75-të. Pas një aksioni të nisur nga Sadio Mané, Ronaldo kontrolloi topin në zonë dhe me një goditje spektakolare me të majtën dërgoi topin në rrjetë, duke vulosur fitoren e Al Nassr.

Ky ishte goli i 26-të sezonal për yllin portugez dhe i 100-ti në total në kampionatin saudit, një arritje e jashtëzakonshme e realizuar në më pak se katër sezone nga transferimi i tij në Arabinë Saudite në fund të vitit 2022.

Falë kësaj fitoreje, Al Nassr ngjitet në kuotën e 82 pikëve dhe vazhdon garën për titullin kampion.

Ndërkohë, gjatë ndeshjes nuk munguan as momentet pikante. Një pjesë e tifozëve nisën të thërrasin emrin e rivalit historik të Ronaldos, Lionel Messi, në përpjekje për ta provokuar.

Portugezi reagoi me ironi ndaj tribunës, duke buzëqeshur dhe duke iu përgjigjur koreve të tifozëve, në një episod që u bë menjëherë viral në rrjetet sociale.