Tottenham rrezikon rënien, trajneri De Zerbi kërkon psikolog

Tottenham Hotspur po përjeton një nga momentet më të vështira në historinë e saj moderne, duke u përballur seriozisht me rrezikun e rënies nga Premier League.

Me vetëm pesë javë të mbetura nga fundi i kampionatit, “Spurs” ndodhen në vendin e 18-të, që është zona e rënies dhe trajneri Roberto De Zerbi ka ndërmarrë një hap të pazakontë. Ai ka kërkuar një psikolog për të shpëtuar gjendjen mendore të lojtarëve.

Ndonëse yje si Xavi Simons punojnë individualisht me psikologë, De Zerbi kërkon një figurë që të punojë me të gjithë grupin për të ndryshuar mentalitetin humbës dhe për të përballuar presionin e mbijetesës.

Kandidati duhet të jetë një profesionist diskret dhe efektiv, i aftë të ndërtojë marrëdhënie besimi në mjedisin “e nxehtë” të Premier League, ku çdo gabim mund të jetë fatal për fatet e klubit.