Beyonce feston 10-vjetorin e albumit “Lemonade”, fansat zbulojnë një të dhënë të fshehtë për projektin e ardhshëm

Beyonce ka festuar 10-vjetorin e albumit të saj ikonë “Lemonade”, i publikuar më 23 prill 2016

Këngëtarja 44-vjeçare ndau në Instagram një fotografi nga plazhi, ku shihet me tre limonë dhe një shishe uiski nga bashkëpunimi i saj me Moët Hennessy, duke e shoqëruar me një mesazh falënderues për fansat, shkruan DailyMail.

Postimi i saj ka ngjallur menjëherë reagime në rrjet, ku fansat kanë vënë re simbolikën e tre limonëve dhe kanë nisur spekulime se mund të jetë një “të dhënë e fshehtë” për albumin e ardhshëm, i njohur si “Act III”.

Beyonce më parë ka publikuar “Renaissance” dhe “Cowboy Carter” si pjesë të një trilogjie muzikore, duke lënë të kuptohet se projekti i radhës mund të vijë së shpejti.

“Lemonade”, i cili trajton tema si tradhtia, dhimbja dhe falja, u publikua fillimisht si album surprizë dhe u shoqërua me një film vizual në HBO.

 

View this post on Instagram

 

A post shared by Beyoncé (@beyonce)