Inter-Lazio, finalja e Kupës së Italisë

Lazio është finalisti tjetër i Kupës së Italisë dhe do të sfidojë Interin më 13 maj për trofeun. Skuadra kryeqytetase mundi pas 11-metërshave Atalantën të mërkurën në stadiumin “Olimpico”.

Ashtu si edhe sfida e parë e luajtur në Bergamo, edhe koha e rregullt e ndeshjes së mbrëmshme nuk pati fitues, duke përfunduar 1-1. Për lacialët, në minutën e 84-të shënoi Romagnoli, ndërsa dy minuta më vonë barazoi Pašalić.

“Jam shumë i emocionuar. Nuk më kishte ndodhur më parë”, tha Motta.

Për bergamaskët ishte në fushë Berat Gjimshiti, ndërsa te lacialët Elseid Hysaj qëndroi në stol. Finalja e Kupës së Italisë mes Interit dhe Lacios përsëritet pas 26 vitesh, kur kampioni vendosej pas dy takimeve. Në atë rast, trofeu u fitua nga skuadra kryeqytetase.