Vjen firma në kontratë, vendoset e ardhmja e Locatellit

Manuel Locatelli do të qëndrojë te Juventusi. Mesfushori italian ka hedhur firmën mbi kontratën e re, duke u bërë një nga shtyllat e projektit afatgjatë të klubit bardhezi.

Lojtari ka zgjatur bashkëpunimin me klubin torinez deri në vitin 2030. Nga ky rinovim, Locatelli do të përfitojë një pagë prej rreth 4 milionë eurosh në sezon plus bonuse, duke pasur një rritje nga kontrata e mëparshme prej 3 milionësh që skadonte në vitin 2028.

Tashmë pritet vetëm njoftimi zyrtar nga klubi bardhezi, ku Locatelli zbarkoi në gusht të vitit 2021 nga Sassuolo për shifrën e 37.5 milionë eurove.