Vinícius Junior rikthehet me kombetaren

Vinícius Junior rikthehet si një “tornado” në stërvitje.

Ylli brazilian është bashkuar në Orlando me pjesën tjetër të kombëtares së Brazilit, pasi mungoi në seancën e së shtunës për shkak të një shqetësimi muskulor.

Në sfidën e fundit, numri 10 i Brazilit e mbylli ndeshjen me një shqetësim në kofshë, por ekzaminimet mjekësore përjashtuan çdo dëmtim serioz, një fakt i konfirmuar edhe nga Federata Braziliane e Futbollit.

Edhe pse është rikthyer në grup me normalitet të plotë, stafi teknik mund të zgjedhë ta menaxhojë me kujdes minutazhin e tij ndaj Kroacisë, madje nuk përjashtohet edhe një pushim i plotë për të shmangur çdo rrezik.

Përballë Kroacisë, tekniku italian do të duhet të bëjë pa mbrojtësin Wesley dhe sulmuesin Raphinha. Të dy futbollistët u larguan nga grumbullimi për shkak të dëmtimeve në pjesën e pasme të këmbës së djathtë dhe janë rikthyer në klubet e tyre për trajtim të specializuar.

Kombëtarja e drejtuar nga Ancelotti ka kaluar një periudhë jo të lehtë gjatë kësaj kohe, me disa rezultate negative, ndërsa afrohet momenti i shpalljes së listës përfundimtare për Botërorin që do të zhvillohet në SHBA, Meksikë dhe Kanada.