“Qytetërimi europian do të shuhet brenda 20 viteve

05/12/2025

Washingtoni është i shqetësuar se qytetërimi europian mund të shuhet dhe brenda 20 vitesh kontinenti i vjetër nuk do të njihet më krahasuar me atë që është tani.

Ky shqetësim shprehet në strategjinë e re të sigurisë kombëtare të Shteteve të Bashkuara, ku theksohet se ka ardhur koha që Europa të garantojë vetë sigurinë e saj, duke u shkëputur gradualisht nga varësia amerikane.

“Aktivitetet e Bashkimit Evropian dhe organeve të tjera transnacionale po minojnë lirinë dhe sovranitetin politik, politikat e migracionit po transformojnë kontinentin dhe po krijojnë konflikte, censurojnë opozitën politike dhe lirinë e shtypit, ulin lindshmërinë dhe shkaktojnë humbjen e identiteteve dhe vetëbesimit kombëtar. Nëse trendet aktuale vazhdojnë, është shumë larg të qenit e qartë se Europa do të ketë ekonomi dhe ushtri mjaftueshëm të forta për të mbetur aleatë të besueshëm”.

Strategjia e re vlerëson se Europa ka mungesë vetëbesimi, përderisa lufta në Ukrainë ka treguar se Rusia shihet si kërcënim ekzistencial, pavarësisht se është e kufizuar në ndikim në disa fusha, me përjashtim të armëve bërthamore.

Dokumenti kërkon që NATO të mos zgjerohet më dhe sugjeron vendosjen e një stabiliteti strategjik me Rusinë. SHBA synon të reduktojë rolin e saj global dhe të japë fund politikave që mbështesin migracionin.

Reagimi i parë erdhi nga ministri i Jashtëm i Gjermanisë, Johann Wadephul, i cili refuzoi vlerësimet e raportit, duke theksuar se Europa nuk ka nevojë për këshilla nga jashtë.

Written by: Sasha Ndreka