Zbardhet plani i paqes me 28 pika për Ukrainën

Administrata e presidentit amerikan, Donald Trump, dhe zyrtarë rusë kanë hartuar një propozim të ri për t’i dhënë fund luftës së Rusisë në Ukrainë.

Plani, sipas burimeve të përfshira në diskutime, i është paraqitur këto ditë Kievit nga i dërguari i posaçëm i SHBA-së, Steve Witkoff.

Një element tjetër i diskutueshëm lidhet me njohjen e gjuhës ruse si gjuhë zyrtare në Ukrainë.

Burime nga Kievi e kanë cilësuar planin si shumë të njëanshëm, ndërkohë që disa zyrtarë amerikanë e shohin si një përpjekje për të detajuar pritshmëritë e Moskës për të nisur negociatat.

Plani vjen në një moment të vështirë për presidentin ukrainas Volodymyr Zelensky, i cili përballet me një skandal korrupsioni brenda rrethit të tij të afërt, duke rritur presionin politik të brendshëm dhe kritikët në parti.

Lajmet për propozimin e paqes kanë ndikuar edhe në tregjet ndërkombëtare. Çmimet e naftës ranë ndjeshëm pasi investitorët parashikuan ulje të rreziqeve të furnizimit, të lidhura me sanksionet e fundit amerikane ndaj kompanive ruse të energjisë.