Macron mandaton sërish Lecornu për kryeministër

Sébastien Lecornu është sërish i zgjedhuri i Emmanuel Macronit për formimin e qeverisë së re të Francës. Ndonëse paraditen e së hënës pranoi dorëheqjen e tij si kryeministër ende pa bërë mbledhjen e parë të kabinetit dhe vetëm një muaj pasi ishte mandatuar, duke shënuar rekord historik për vendin, presidenti francez vendosi ta ngarkojë atë sërish me të njëjtën detyrë.

Shefi i Elizesë i dha dy ditë kohë ish-ministrit të Mbrojtjes të bisedojë me partnerët e koalicionit qeverisës dhe të formojë kabinetin e ri.

Le Maire ishte pjesë e reformës së ashpër buxhetore që synonte reduktimin e 44 miliardë eurove shpenzime, duke reduktuar shpërblimet për paga, pensione e ditë pushimesh për punonjësit, e që u bënë shkak për rënien e kabinetit të tij.

Opozita kërkon zgjedhje të reja e madje edhe dorëheqjen e Macronit si president, që e shohin si shkaktar të krizës së paprecedentë ku në dy vite janë ndërruar pesë kryeministra.