Bisedimet në Stamboll, Zelensky takon Erdogan

Në një kohë kur delegacionet e Rusisë dhe Ukrainës janë ulur në dialog me ndërmjetësimin e Turqisë në Stamboll, Presidenti ukrainas Volodymir Zelensky u prit në një takim nga presidenti turk Rexhep Tayyip Erdogan.

Presidenti ukrainas u prit me ceremoni zyrtare në pallatin presidencial në Ankara, ku pati edhe një takim ‘kokë më kokë’ mes dy krerëve të shteteve. Më herët në një prononcim për mediat nga aeroporti, Zelensky deklaroi se është në komunikim të vazhdueshëm me përfaqësuesit amerikanë. Ndërsa u shpreh se do të vendosë për hapat në vijim pas takimit me Erdogan. Ndryshe nga Zelensky i cili shkoi në Turqi, Presidenti rus Vladimir Putin nuk vendosi që të shkonte.