Zelensky konfirmon takimin e ri SHBA-Ukrainë javën e ardhshme në Arabinë Saudite

Presidenti ukrainas Volodymyr Zelensky gjatë një konferencë për shtyp në Oslo ka deklaruar para mediave se zyrtarët ukrainas dhe amerikanë do të takohen në Arabinë Saudite javën e ardhshme.

Duke folur me gazetarët, Zelensky këmbënguli se heqja e anëtarësimit në NATO për Ukrainën nga tavolina do të ishte një “dhuratë e madhe për Rusinë”.

Duke iu drejtuar virtualisht liderëve të BE-së, të cilët u mblodhën në Bruksel për të diskutuar ndihmën ushtarake dhe financiare për Ukrainën, Zelensky tha se Vladimir Putin duhet të ndalojë kërkesat e panevojshme ndërsa paralajmëroi  se asgjë nuk ka ndryshuar pasi Rusia sulmoi infrastrukturën energjetike, pavarësisht se Putin u zotua të ndalojë sulme të tilla dje.