Anëtarësimi në BE, skepticizëm në Ballkanin Perëndimor

Në samitin vjetor të gjashtë vendeve të Ballkanit Perëndimor dhe Bashkimit Evropian në Bruksel pati shumë fjalë miqësore, por ende nuk ka data specifike për pranimin e mundshëm të shteteve të reja.

Bashkimi Evropian, thekson DW, tashmë me 27-anëtarë ka përsëritur angazhimet për anëtarësimin e shteteve ballkanike që nga samiti i BE-së i vitit 2003 në Selanik.

“Ne duhet ta përshpejtojmë këtë proces, me një ritëm krejtësisht të ri, në mënyrë që perspektiva e pranimit të shndërrohet në vetë pranim,” tha kancelari gjerman Olaf Scholz në Bruksel.

Për sa i përket politikanëve të Ballkanit Perëndimor, Edi Rama, kryeministri i Shqipërisë, e cilësoi procesin e anëtarësimit si të padrejtë dhe neurotik. Ai tha se e sheh gjithashtu hipokrite që BE-ja po nxitohet të zgjerohet me Ukrainë dhe me Moldavinë përmes procesit për të vënë duke u nisur vetëm nga pikëpamja gjeopolitike.

Rama ka shpresa të mëdha tek përfaqësuesja e re e lartë të BE-së për Punët e Jashtme, Kaja Kallas. Ai është i bindur se ajo do të avokojë në emër të Ballkanit Perëndimor. Si një estoneze, shtoi Rama, Kallas u rrit nën një diktaturë komuniste në një vend që luftoi për lirinë dhe hyrjen në BE.

Në samitin e tij të fundit ballkanik, ish-presidenti i Këshillit Evropian Charles Michel foli për vitin 2030 si vitin që BE-ja mund të zgjerohet. Megjithatë, pasardhësi i tij, Antonio Costa, nuk ka përmendur ndonjë datë.

Ndërkohë, diplomatët e BE-së kanë paralajmëruar se përpara se të ndërmerret ndonjë hap konkret, vetë Bashkimi Evropian duhet të përgatitet me reformat e brendshme